ਬੀਜਿੰਗ, 28 ਜੁਲਾਈ: ਚੀਨੀ ਰਾਸ਼ਟਰਪਤੀ ਸ਼ੀ ਚਿਨਫਿੰਗ ਨੇ ਹਾਲ ਹੀ ਵਿੱਚ ਪ੍ਰਵਾਸੀ ਚੀਨੀ ਸਬੰਧੀ ਕਾਰਜ ‘ਤੇ ਮਹੱਤਵਪੂਰਨ ਨਿਰਦੇਸ਼ ਦਿੱਤੇ ਹਨ। ਉਨ੍ਹਾਂ ਨੇ ਸ਼ਕਤੀਸ਼ਾਲੀ ਦੇਸ਼ ਦੇ ਨਿਰਮਾਣ ਅਤੇ ਰਾਸ਼ਟਰੀ ਪੁਨਰੁੱਥਾਨ ਵਿੱਚ ਪ੍ਰਵਾਸੀ ਚੀਨੀਆਂ ਦੀ ਸ਼ਕਤੀ ਇਕੱਠੀ ਕਰਨ ‘ਤੇ ਜ਼ੋਰ ਦਿੱਤਾ।
ਸ਼ੀ ਨੇ ਕਿਹਾ ਕਿ ਚੀਨੀ ਕਮਿਊਨਿਸਟ ਪਾਰਟੀ (ਸੀਪੀਸੀ) ਦੀ 18ਵੀਂ ਰਾਸ਼ਟਰੀ ਕਾਂਗਰਸ ਤੋਂ ਬਾਅਦ, ਪ੍ਰਵਾਸੀ ਚੀਨੀਆਂ ਦੇ ਮਾਮਲੇ ਸਬੰਧੀ ਵਿਭਾਗਾਂ ਨੇ ਵਿਸ਼ਾਲ ਪ੍ਰਵਾਸੀ ਚੀਨੀਆਂ ਅਤੇ ਦੇਸ਼ ਵਾਪਸ ਆਏ ਪ੍ਰਵਾਸੀ ਚੀਨੀਆਂ ਨੂੰ ਇਕੱਠਾ ਕਰਕੇ ਰਾਸ਼ਟਰੀ ਆਰਥਿਕ ਅਤੇ ਸਮਾਜਿਕ ਵਿਕਾਸ ਵਿੱਚ ਵੱਡਾ ਯੋਗਦਾਨ ਦਿੱਤਾ ਹੈ।
ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਨਵੇਂ ਮੁਹਿੰਮ ਵਿੱਚ, ਸਾਨੂੰ ਨਵੇਂ ਯੁਗ ਵਿੱਚ ਚੀਨੀ ਵਿਸ਼ੇਸ਼ਤਾ ਵਾਲੀ ਸਮਾਜਵਾਦੀ ਵਿਚਾਰਧਾਰਾ ਦੇ ਮਾਰਗਦਰਸ਼ਨ ਵਿੱਚ ਪਾਰਟੀ ਦੀ ਪ੍ਰਵਾਸੀ ਚੀਨੀ ਸਬੰਧੀ ਨੀਤੀ ਨੂੰ ਚੌਤਰਫਾ ਤੌਰ ‘ਤੇ ਲਾਗੂ ਕਰਨਾ ਚਾਹੀਦਾ ਹੈ। ਇਸ ਨਾਲ ਪ੍ਰਵਾਸੀ ਚੀਨੀਆਂ ਦੀ ਸ਼ਕਤੀ ਨੂੰ ਚੰਗੀ ਤਰ੍ਹਾਂ ਇਕੱਠਾ ਕੀਤਾ ਜਾ ਸਕਦਾ ਹੈ।
ਯਾਦ ਰਹੇ ਕਿ ਪ੍ਰਵਾਸੀ ਚੀਨੀਆਂ ਦੇ ਮਾਮਲੇ ‘ਤੇ ਰਾਸ਼ਟਰੀ ਕਾਰਜ ਸੰਮੇਲਨ 27 ਤੋਂ 28 ਜੁਲਾਈ ਤੱਕ ਬੀਜਿੰਗ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਇਸ ਸੰਮੇਲਨ ਵਿੱਚ ਸ਼ੀ ਚਿਨਫਿੰਗ ਦੇ ਇਸ ਮਹੱਤਵਪੂਰਨ ਨਿਰਦੇਸ਼ ਨੂੰ ਸੁਣਾਇਆ ਗਿਆ।
(ਸਾਧਾਰਨ- ਚਾਈਨਾ ਮੀਡੀਆ ਗਰੁੱਪ, ਬੀਜਿੰਗ)
–
ਏਬੀਐਮ/