ਨਵੀਂ ਦਿੱਲੀ, 6 ਜੁਲਾਈ: ਨਵੀਂ ਦਿੱਲੀ ਸਥਿਤ ਆਲ ਇੰਡੀਆ ਇੰਸਟਿਟਿਊਟ ਆਫ ਮੈਡੀਕਲ ਸਾਇੰਸਜ਼ (ਐਮਸ) ਨੇ ਐਤਵਾਰ ਨੂੰ ਐਮਸ ਨਵੀਂ ਦਿੱਲੀ ਅਤੇ ਮੈਦਾਨ ਗੜ੍ਹੀ ਸਥਿਤ ਐਮਸ-ਸੀਏਪੀਐਫਆਈਐਮਐਸ (ਸੈਂਟਰਲ ਆਰਮਡ ਪੁਲਿਸ ਫੋਰਸਜ਼ ਇੰਸਟਿਟਿਊਟ ਆਫ ਮੈਡੀਕਲ ਸਾਇੰਸਜ਼) ਕੈਂਪਸ ਵਿੱਚ 50 ਤੋਂ ਵੱਧ ਵਿਸ਼ਿਆਂ ਵਿੱਚ ਅਸਿਸਟੈਂਟ ਪ੍ਰੋਫੈਸਰ ਤੋਂ ਲੈ ਕੇ ਪ੍ਰੋਫੈਸਰ ਤੱਕ ਦੇ 460 ਤੋਂ ਵੱਧ ਖਾਲੀ ਫੈਕਲਟੀ ਪਦਾਂ ਲਈ ਕੀਤੀ ਭਰਤੀ ਪ੍ਰਕਿਰਿਆ ਦੇ ਨਤੀਜੇ ਘੋਸ਼ਿਤ ਕਰ ਦਿੱਤੇ ਹਨ।
ਐਮਸ ਨਵੀਂ ਦਿੱਲੀ ਵਿੱਚ 265 ਪਦਾਂ ਅਤੇ ਐਮਸ-ਸੀਏਪੀਐਫਆਈਐਮਐਸ ਕੈਂਪਸ ਵਿੱਚ 199 ਪਦਾਂ ਲਈ 3200 ਤੋਂ ਵੱਧ ਉਮੀਦਵਾਰਾਂ ਨੇ ਅਰਜ਼ੀ ਦਿੱਤੀ ਸੀ। 6 ਮਹੀਨੇ ਤੱਕ ਚੱਲੀ ਇਸ ਪੂਰੀ ਪ੍ਰਕਿਰਿਆ ਵਿੱਚ ਗੋਪਨੀਯਤਾ ਅਤੇ ਪਾਰਦਰਸ਼ਤਾ ਬਣਾਈ ਰੱਖਣ ਲਈ ਬਲੌਕ-ਚੇਨ ਡਿਜੀਟਲ ਟੈਕਨੋਲੋਜੀ ਦਾ ਇਸਤੇਮਾਲ ਕੀਤਾ ਗਿਆ। ਪ੍ਰਕਿਰਿਆ ਦੀ ਪੂਰੀ ਇਮਾਨਦਾਰੀ ਯਕੀਨੀ ਬਣਾਉਣ ਲਈ ਮਾਰਕਸ ਨੂੰ ਵਨ-ਟਾਈਮ ਪਾਸਵਰਡ (ਓਟੀਪੀ) ਦਾ ਇਸਤੇਮਾਲ ਕਰਕੇ ਡਿਜੀਟਲ ਰੂਪ ਵਿੱਚ ਲੌਕ ਕੀਤਾ ਗਿਆ ਸੀ।
ਸਾਫਟਵੇਅਰ ਨੇ ਇਨ੍ਹਾਂ ਮਾਰਕਸ ਅਤੇ ਪਹਿਲਾਂ ਤੋਂ ਤੈਅ ਕੀਤੇ ਗਏ ਐਲਗੋਰਿਦਮ ਦਾ ਇਸਤੇਮਾਲ ਕਰਕੇ ਫਾਈਨਲ ਮੈਰਿਟ ਲਿਸਟ ਤਿਆਰ ਕੀਤੀ। ਇਸ ਵਿੱਚ ਟਾਈ (ਬਰਾਬਰ ਅੰਕ) ਦੀ ਸਥਿਤੀ ਨੂੰ ਸੁਲਝਾਉਣ ਦੇ ਇਲਾਵਾ ਇਨਸਾਨੀ ਦਖਲ ਦੀ ਕੋਈ ਭੂਮਿਕਾ ਨਹੀਂ ਸੀ। ਇਸ ਨਾਲ ਫਾਈਨਲ ਨਤੀਜੇ ਜਲਦੀ ਘੋਸ਼ਿਤ ਕਰਨਾ ਵੀ ਸੰਭਵ ਹੋਇਆ।
ਹਾਲ ਦੇ ਸਮੇਂ ਦੀਆਂ ਸਭ ਤੋਂ ਵੱਡੀਆਂ ਭਰਤੀਆਂ ਵਿੱਚੋਂ ਇੱਕ, ਇਹ ਭਰਤੀ ਪ੍ਰਕਿਰਿਆ ਫੈਕਲਟੀ ਦੀ ਉਪਲਬਧਤਾ ਨੂੰ ਵਧਾਏਗੀ, ਜਿਸ ਨਾਲ ਐਮਸ ਅਤੇ ਐਮਸ-ਸੀਏਪੀਐਫਆਈਐਮਐਸ ਨੂੰ ਮਰੀਜ਼ਾਂ ਦੀ ਦੇਖਭਾਲ, ਟੀਚਿੰਗ ਅਤੇ ਰਿਸਰਚ ਨੂੰ ਬਿਹਤਰ ਬਣਾਉਣ ਵਿੱਚ ਮਦਦ ਮਿਲੇਗੀ।
–ਆਈਏਐਮਐਸ